ОшМПУда “МАНАС ТААНУУ” ИНТЕЛЛЕКТУАЛДЫК ТАЙМАШЫ УЮШТУРУЛДУ » Ош мамлекеттик педагогикалык университет
Кыргызча Русский English
Авторизация
Ош мамлекеттик педагогикалык университетинин официалдуу сайты
» » » ОшМПУда “МАНАС ТААНУУ” ИНТЕЛЛЕКТУАЛДЫК ТАЙМАШЫ УЮШТУРУЛДУ
8 декабрь 2023
302

ОшМПУда “МАНАС ТААНУУ” ИНТЕЛЛЕКТУАЛДЫК ТАЙМАШЫ УЮШТУРУЛДУ

ОшМПУда “МАНАС ТААНУУ” ИНТЕЛЛЕКТУАЛДЫК ТАЙМАШЫ УЮШТУРУЛДУ
Ош мамлекеттик педагогикалык университетинде факультеттер аралык “Манас таануу” интеллектуалдык таймашы болуп өттү.
Иш чара кыргыз элинин негизги руханий мурасы, тарыхый байлыгы жана маданий мурасы болгон Манас үчилтигин жаштар арасында жайылтуу, эпосту тереңдетип окутуу максатында уюштурулуп, ага ар бир факультеттен куралган 7 команда ат салышты.
Таймаш 5 бөлүмдөн туруп, улуу манасчы Саякбай Каралаевдин вариантында өтүп, ага ылайык катышуучуларга саламдашуу, топтун атын жактоо, үчилтик, сыр куржун, күтүлбөгөн суроо жана жер суу аттары бөлүмдөрүнөн суроолор берилип, кызыктуу таймаш курушту.
Интеллектуалдык оюн кызуу уланып, калыстар тобунун чечими жана командалардын алган упайына ылайык 3-орунду гуманитардык факультетинин “Кабылан” командасы, 2-орунду колледждин “Асаба” командасы, ал эми 1-орунду табият таануу жана география факультетинин “Маникер” командасы багындырды. Жыйынтыгында активдүү катышкан жана жеңүүчү аталган командалар уюштуруу тобу тарабынан сыйланып, диплом жана баалуу белектер тапшырылды.
Белгилей кетсек, аталган иш чара КРнын Манас эпосун сактоо, изилдөө жана кеңири жайылтуу токтому, 4-декабрь Манас күнү, Чыңгыз Айтматовдун 95 жылдыгы жана 12-декабрь улуттук адабият күнүнө карата “Аккредитация жана билим берүүнүн сапаты” бөлүмү жана Жаштар комитети тарабынан уюштурулду.  
шаблоны для dle 11.2

Пикир кошуу

ОшМПУнун дареги
Кыргыз Республикасы

723500, Ош обласу, Ош шаары

Исанова к.

Телефондор.: (03222)43567, 43550

Эл.почтасы: edu@oshmpu.kg, osh.ogpi@gmail.com
Интерактивная карта

Copyright © 2018 Сайттагы материалдарды түрдүү максаттарда пайдалануу, анын ичинде электрондук ММКларга жарыялоо сайттын администрациясынын кат түрүгндөгү уруксаты менен гана ишке ашырылат.

Разработка сайта - uDesign.pro