ОшМПУда ЖАРАНДЫК КОРГОНУУ БОЮНЧА ОТУРУМ БОЛДУ
ОшМПУда ЖАРАНДЫК КОРГОНУУ БОЮНЧА ОТУРУМ БОЛДУ
10-11-ноябрь күндөрү Ош мамлекеттик педагогикалык университетинде Жарандык коргонуунун абалына комплекстүү баалоо жүргүүзүү боюнча жыйын болуп, коопсуздук эрежелери боюнча түшүндүрүү иштери жүрдү.
Иш чара Ош шаарынын Жарандык коргонуу боюнча 2022-жылга карата пландалган иш мерчемине ылайык КРдин Өзгөчө кырдаалдар министрлигинин Ош шаардык башкармалыгы тарабынан уюштурулду. Планга ылайык аталган башкармалык тарабынан түзүлгөн комиссия ОшМПУда эки күндүк иш сапары менен болушуп, анда окуу жайдын жарандык коргонуусунун тынчтык мезгилдеги пландарынын даярдыгы, жалпы иш мерчемдеринин аткарылышы, коопсуздук эрежелеринин сакталышы жана ал боюнча эмгек жамааттын даярдыгы тууралуу текшерүү жүргузүштү. Ошондой эле “Айгай” жарыялоо боюнча практикалык окуу болуп, мында жетекчиликтин, факультеттердин декандарынын, административдик чарба кызматкерлеринин өзгөчө кырдаалдардын коркунучунда жана пайда болгон учурдагы ыкчам чогулуусу жузөөгө ашырылды.
Жыйынтыгында окуу жайдын административдик кызматкерлеринин жана Өзгөчө кырдаалдар министрлигинин Ош шаардык башкармалыгынын адистери, комиссия мүчөлөрүнүн катышуусунда атайын отурум болуп, жарандык коргонуу жаатында адистер тарабынан маалыматтар берилди.
