ОКУТУУЧУЛАР ӨЗ ТАЖРЫЙБАЛАРЫ МЕНЕН БӨЛҮШТҮ

16-ноябрь күнү Ош мамлекеттик педагогикалык университетинде Татарстандын Елабуга институтунда квалификациясын жогорулатуу курсунан өткөн окутуучулар окуу жайдын базасында тренинг өтүп беришти.

Саамалык Музыкалык-педагогикалык факультети тарабынан уюштурулуп, ага университеттин ректору Бекмурза Зулуев баштаган жетекчилик жамаат жана окутуучулар катышышты.

Семинарды Зырапа Абдывасиева жетектеп, жалпы 10 окутуучу түрдүү темада окутуучулар менен жаңы маалыматтарды жана методикаларды бөлүшүштү. Мында “Предметтик өнүктүрүүчү чөйрөнү түзүүнүн мааниси”, “РРИ-фонетикалык оюндар, үй бүлөлүк адабий квиздер”, “Башталгыч жана мектепке чейинки балдардын өнүгүүсүндөгү машыктыруучу көнүгүүлөр” боюнча жана КФУдагы илимий теориялык конференция жөнүндө маалыматтар кенен айтылды.

Белгилей кетсек, ОшМПУнун 18 окутуучусу педагогика жана филология багытында квалификациясын жогорулатуу максатында Казань Федералдык университетинин Елабуга институтуна барышкан. Программага ылайык окутуучулар 15-майдан 30-майга чейин 16 күндүк мөөнөттө өз билимдерин жогорулатуу курстарында окуп, бул менен бирге 25-майда Казанда боло турчу эл аралык илимий конференцияга катышып келишкен.