МАМЛЕКЕТТИК ТИЛДИ БИРГЕ ӨНҮКТҮРӨБҮЗ

Бүгүн Ош мамлекеттик педагогикалык университетинде 21-февраль Бүткүл дүйнөлүк эне тил күнүнө карата семинар болуп өттү.

Иш чара университеттин жана КРнын ИИМдин милициясынын генерал-майору Ж.Ш.Шабиров атындагы Республикалык окуу борборунун Ош шаарындагы филиалы тарабынан кыргыз тилин өнүктүрүү боюнча жүрүп жаткан бир айлыктын алкагында уюштурулду. Ага аталган филиалдын Кайгуул күзөт кызматы багытында окуп жаткан талапкерлер жана милициянын майору Лилия Хафизова катышты.

Семинар "Кыргыз тилинин дүйнө тилдеринде кездешпеген беш керемети" аталышында болуп, аны окуу жайдын мамлекеттик тилди өнүктүрүү борборунун башкы адиси Бектурали Исамидин уулу өтүп берди. Бир жарым сааттык семинардын жүрүшүндө видеоролик көрсөтүлүп, интеллектуалдык оюн ойнотулуп, электрондук форматта онлайн сынак тапшырылып, эне тил боюнча кызыктуу маалыматтарга ээ болушту. Ошондой эле лотерея ойнотулуп, жеңүүчүлөргө сыйлыктар тапшырылды.

Жыйынтыгында катышуучулардан жагымдуу чыгармалар аткарылып, уюштуручуларга жылуу пикирлер айтылып, окуу жай менен мындан аркы кызматташуусу чыңалаарын билдиришти.