ЭНЕ ТИЛ КҮНҮНӨ АРНАЛГАН АЙЛЫКТЫ УЛАЙ...

Бүгүн Ош мамлекеттик педагогикалык университетинин Мамлекеттик тилди өнүктүрүү боюнча бакшы адиси Бектурали Исамидин уулу кезектеги семинарын өттү.

Бул ирет семинарга Ош шаарындагы №4 “Шумкар” атайын багыттагы полкунун кызматкерлери катышып, алар “Кыргыз тилинин 5 керемети” деген теманын алкагында маалыматтарга ээ болушту. Атап айтсак, кыргыз тилинде сөздөрдүн орду жана мааниси тууралуу түшүнүктөр берилип, улуттук баалуулуктарды камтыган онлайн тест алынып, аскерлердин акыл-эс, аң-сезимин өстүрүүгө арналган тематикалык суроолор берилди.

Семинарга полктун мүчөлөрү активдүү катышып, берилген тапшырмаларды так аткарууга аракет кылышты. Бул менен ИИМдин кызматкерлери эне тилге кайдыгер карабай, кандай учур болбосун өз тилин урматтап, барктап, унутта калтырбоого даяр экенин айгинелешти.

Аталган иш-чара 21-февраль Бүткүл дүйнөлүк эне тил күнүнө карата жарыяланган бир айлыктын алкагында Ош мамлекеттик педагогикалык университети тарабынан №4 “Шумкар” атайын багыттагы полкуну менен биргеликте уюштурулду