ОшМПУ Өзбекстандын Илим жана технология университети менен кызматташат

Ош мамлекеттик педагогикалык университети Өзбекстандын Илим жана технология университети менен кызматташуу келишимин түздү.

Эки тараптуу меморандумга окуу жайдын ректору Бекмурза Зулуев жана Өзбекстандын Илим жана технология университетинин эл аралык байланыштар боюнча проректору Муроджон Ахмедов кол коюшту.

Келишим студенттердин мобилдүүлүк программасын ишке ашырууну, окутуучулардын билим деңгээлин жогорулатууну, тажрыйба алмашууну, кош диплом берүү тартибин киргизүүнү, ошондой эле бакалавриат үчүн 2+2, магистратура үчүн 1+1 форматы боюнча билим берүүнү жана биргелешкен илимий долбоорлорду ишке ашырууну камтыйт.

Жолугушууда тараптар билим берүү тармагында ЖОЖдор аралык кызматташууну чыңдоо, өз ара байланыштарды бекемдөө жана жаңы билим берүү программаларын ишке ашыруу багытында пикир алмашышты.