ОшМПУнун СТУДЕНТИ АЗИЯ КУБОГУН ЖЕҢИП АЛДЫ

26-30-апрель күндөрү Кыргызстандын Жалал-Абад жергесинде Азия кубогуна арналып өткөн Кикбоксинг боюнча эл аралык мелдеште Ош мамлекеттик педагогикалык университетинин 1-курсунун студенти Үсөн Абдывахапов 57кл салмакта 1-орунду багындырып, диплом жана алтын кур менен сыйланды.

Мелдешке жалпысынан 6 мамлекеттин спортчулары катышып, күч сынашкан.

Үсөн аталган мелдештин жеңүүчүсү катары үстүбүздөгү жылдын 18-21-май күндөрү Стамбул шаарында боло турган “Turkish Open WAKO World Cup” аттуу Эл аралык турнирге жөлдөмө алып, мелдешке кызуу даярдык көрүп жатат.

Белгилей кетсек Кикбоксинг боюнча спорт чеберине талапкер, жаш спортчу Үсөн Абдывахапов учурда аталган окуу жайдын Дене-тарбия факультетинин Дт-22 тайпасында билим алууда. Ал ОшМПУнун окутуучулары Айбек Акматов жана Махамадсадык Эркинбаевдин машыктыруусу астында бир топ жетишкендиктреди багындырып, спорттогу карьерасын ийгиликтүү улантууда.