ОКУУ ЖАЙ АТА-ЭНЕЛЕР МЕНЕН ТЫГЫЗ БАЙЛАНЫШТА

Ош мамлекеттик педагогикалык университетинин Дене тарбия факультетинде ата-энелер жыйыны болуп өттү.

Иш чарага факультеттин жетекчилик жамааты, окутуучулары жана студенттер ата-энелери менен биргеликте катышты.

Жыйында студенттердин быйылкы жетишкендиктери, окууда жана спорттук, маданий иш чаралардагы активдүүлүгү жана окуу жайдагы соңку жаңылыктар боюнча маалыматтар берилди. Бул менен бирге жигердүү окуп, коомдук иш чараларда ийгилик жараткан мыкты студенттердин ата-энелерине ыраазычылык баракча тапшырылды.

Мындан сырткары ата-энелерден анкета алынып, эркин маек куруу менен, бир топ сунуш-пикирлердин үстүндө баарлашуу жүрдү.