СТУДЕНТТЕР РЕГБИ БОЮНЧА МААЛЫМАТ АЛЫШТЫ

Бүгүн Ош мамлекеттик педагогикалык университетинин дене тарбия факультетинде спорттун Регби түрү боюнча семинар-тренинг өткөрүлдү.

Конокто Регби федерациясынын Ош шаарындагы өкүлү, ОшМУнун дене тарбия факультетинин №1 факультеттер аралык дене тарбия кафедрасынын окутуучусу Шумкарбек Окен уулу болуп, ага дене тарбия факультетинин студенттери катышты.

Иш чара Ош шаарындагы окуу жайлар арасында регбини жайылтуу максатында уюштурулуп, мында катышуучулар регби оюнунун келип чыгуу тарыхы, анын негизги эрежелери, түрлөрү, тарыхтагы орду, эске алуучу жагдайлары жөнүндө кеңири маалымат алышты.

Ошондой эле тренер соңку жылдары регбиге кызыккан жаштардын саны өсүп, акырындык менен курама командалар топтолуп жаткандыгын белгиледи. Андан соң иш чара окуу жайдын спорттук аянтчасында уланып, мында тренер оюнду студентерге практика жүзүндө көрсөтүп берип, катышуучулар кызыктуу оюн курушту.