ТОГУЗ КОРГООЛ БОЮНЧА ӨТКӨРҮЛГӨН МЕЛДЕШТИН ЖЕҢҮҮЧҮЛӨРҮ СЫЙЛАНДЫ

Ош мамлекеттик педагогикалык университетинде окутуучулар ортосунда спорттун тогуз коргоол түрү боюнча мелдеш өткөрүлүп, жеңүүчүлөр сыйланды.

Саамалык 18 – май окуу жайдын күнүнө карата жамааттын ынтымагын, достугун бекемдөө менен спортту өнүктүрүү жана ден соолукту чыңдоо максатында уюштурулуп, ага университеттиин профессордук – окутуучулук курамы жана кызматкерлери катышып, кызуу мелдеш курушту.

Жыйынтыгында жеңүүчүлөр аныкталып, алдыңкы орундарга ээ болгон жана мыкты оюн көрсөткөн оюнчулар окуу жайдын жетекчилиги тарабынан диплом жана баалуу белектер менен сыйланышты. Бул менен бирге Билим, илим кызматкерлигинин кесиптик бирлигинин Ош облустук комитети тарабынан да жеңүүчүлөргө диплом жана акчалай сыйлыктар тапшырылды.