АНДИЖАН МАМЛЕКЕТТИК УНИВЕРСИТЕТИНИН ӨКҮЛДӨРҮ ОшМПУда КОНОКТО

Бүгүн Ош мамлекеттик педагогикалык университетине Өзбекстан республикасына караштуу Андижан мамлекеттик университетинен өкүлдөр келишти.

Мында окуу жайга Андижан мамлекеттик университетинин спорт жана музыкалык факультетинин деканы Зохиджон Жумакулов, кафедра башчы к.п.н., доцент Сахибжон Ниязов жана ф.и.д., (PhD) доцент Шоирбек Темиров келип, алгач университеттин ректору Бекмурза Зулуевдин кабыл алуусунда болушту.

Жыйында эки окуу жайдын өз ара кызматташтыгы, алдыдагы максаттуу пландары, билим берүүдөгү бир топ натыйжалуу иштерди биргеликте ишке ашыруу, мобилдүүлүк программасы боюнча сүйлөшүүлөр жүрдү. Андан соң коноктор дене тарбия факультетинин деканы Абдубахап Капаровдун жетектөөсү менен окуу жайдын материалдык-техникалык базасы менен жакындан таанышып чыгышты.

Бул менен бирге аталган өкүлдөр дене тарбия факультетинин студенттерине волейбол оюнуна киргизилген жаңы эрежелер, спорттук метрология предметинин негизги түшүнүктөрү боюнча маалымат берип, лекция окушту.