ОшМПУда ФАКУЛЬТЕТТЕР ОРТОСУНДА СПОРТТУК МЕЛДЕШ БАШТАЛДЫ

17-ноябрь-Эл аралык студенттер күнүнө карата Ош мамлекеттик педагогикалык университетинде спорттун 5 түрү боюнча мелдеш старт алды.

Ага ылайык бүгүн окуу жайда мелдештин ачылуу аземи уюштурулуп, ага 6 факультеттин жана колледждин студенттери катышууда. Бул жолку мелдеште катышуучулар спорттун волейбол, футбол, тогуз коргоол, шахмат жана стол теннис түрлөрү боюнча таймаш курушат. Аталган спорттук иш чара 15-ноябрга чейин созулат. Учурда волейбол оюну боюнча мелдеш жүрүп жатат.

Белгилей кетсек саамалык студенттерди дене тарбиялык жана руханий жактан өнүктүрүү, спортко болгон жөндөмдүүлүгүн арттыруу жана жаштар арасында мыкты спортчуларды аныктоо максатында дене тарбия факультети, профсоюз комитети жана жаштар комитети тарабынан уюштурулууда.