ДЕНЕ ТАРБИЯ ФАКУЛЬТЕТИНДЕ КОНОК-ЛЕКЦИЯ ӨТКӨРҮЛДҮ

Бүгүн Ош мамлекеттик педагогикалык университетинин Дене тарбия факультетинде дене маданияты предметинен студенттерге арналган кезектеги конок-лекция уюштурулду.

Иш чарага аталган факультеттин деканы Абдубахап Капаров баштаган окутуучулар жана 3-4-курстун студенттери катышты. Мында алгач Ош мамлекеттик университетинин окутуучусу, п.и.к., доцент Кубаныч Баймуратов катышуучуларга “Дене тарбия сабагынын конспектисин жазуудагы өзгөчөлүктөр” темасында лекция окуду.

Аны улай ага окутуучу Жыпаргүл Адамбаева физиология предметинен “Булчуңдардын физиологиясы” аталышында сабак өттү. Конок-лекциянын жүрүшүндө студенттер план-конспекти жазуунун үлгүсү менен жакындан таанышып, ошондой эле булчуңдардын түрлөрү, анын түзүлүшү, функциясы боюнча кеңири маалыматка ээ боло алышты. Сабактын соңунда суроо-жооп уюштурулуп, саамалык жылуу пикирлер менен соңуна чыкты.