ОшМПУнун студенттери дүйнөлүк мелдештен жеңиш менен кайтты

Ош мамлекеттик педагогикалык университетинин студенттери спорттун кикбоксинг түрү боюнча Эл аралык турнирде жеңишке жетишти.

Мелдеш Россиянын Новосибирск облусуна караштуу Барнаул шаарынын Алтай крайында өткөрүлүп, мында дүйнөнүн 10 мамлекетинен келген спортчулар өз күчүн сынашты. Катарда окуу жайдын дене тарбия факультетинин студенттери да кызуу мелдеш куруп, натыйжада Асан Абдывахапов 1-орунду, ал эми Бекзад Урунбаев 2-орунду багындырды.

Жеңүүчүлөр уюштуруу тобу тарабынан диплом жана акчалай сыйлыктар менен сыйланышты. Белгилей кетсек аталган студенттерге ОшМПУнун окутуучусу, бокс, кикбоксинг боюнча спорт чебери, тренер Махаматсадык Эркинбаев жетекчилик кылат.

Жаш спортчуларды окуу жай жамааты жеңиши менен кызуу куттуктайт. Мындан ары да зор ийгиликтерди жана жаңы жетишкендиктерди багындырып, өлкөбүздүн атын дүйнөгө тааныта берүүсүнө тилектешбиз.