Ректор Республикалык мелдештин жеңүүчүлөрүн куттуктады

Бүгүн Ош мамлекеттик педагогикалык университетинин ректору Бекмурза Зулуев борбор калаада өткөн КР ЖОЖдору аралык студенттердин универсиадасында спорттун тогуз коргоол түрү боюнча 1-орунду камсыздап келген окуу жайдын командасы жана машыктыруучусу менен жолугушту.

Ректор, аталган мелдешке катышкып, албан ийгиликтер менен келген спортчуларды кызуу куттуктап, мындан ары да окуу жайдын, өлкөнүн атын дүйнөгө чыгара беришине тилектештигин билдирди. Мындан сырткары был сыяктуу сыймыктуу жаштарыбызга жамааттын атынан колдоолор болоорун кошумчалады.

Белгилей кетсек ОшМПУнун студенттери командалык турдан тышкары жекелик мелдеште да ат салышып, Замирбек уулу Залкар I орунду, Тойгонбаев Байел II орунду ал эми Төлөмырзаева Астра III орунду ээлешип, диплом, медаль, кубок жана белектер менен сыйланышкан. Команданын машыктыруучусу ОшМПУнун ага окутуучусу Болот Эрбатыров.