ОшМПУда ДЕН СООЛУК КҮНҮ БЕЛГИЛЕНДИ

Бүгүн Ош мамлекеттик педагогикалык университетинде ден соолук күнүнө карата массалык түрдө спорттук көнүгүү жасоо иш-чарасы өттү.

Салтка айланган бул саамалык окуу жай жетекчилиги жана дене тарбия факультети тарабынан уюштурулуп, ага университеттин ректору Бекмурза Зулуев баштаган профессордук-окутуучулук жамаат жана студенттер активдүү катышты. Мында катышуучулар атайын спорттук форма кийип, окуу жайдын аянтчасында 30 мүнөттүк таңкы көнүгүүлөрдү жасашты.

Белгилей кетсек аталган иш-чара 6-апрель Дене тарбия жана спорт кызматкерлеринин күнү, 7-апрель Бүткүл дүйнөлүк ден соолук күнүнө карата, ошондой эле кыргыз спортунун жана ОшМПУнун 100 жылдыгына арналып өткөрүлдү.