ОшМПУда МУГАЛИМДЕРДИН КҮНҮНӨ КАРАТА ТАРБИЯЛЫК СААТТАР ӨТҮҮДӨ

Мугалимдердин кесиптик майрамы Ош мамлекеттик педагогикалык университетинде ар кандай форматтагы иш чаралар менен коштолууда. Анын катарында Гуманитардык факультетинин Т-21 тайпасы ачык-тарбиялык саат уюштуруп, ага факультеттин эмгек жамааты жана студенттер күбө болушту.

Иш чара “Мугалимдер бизге насаат үлгүсүңөр, жол көрсөткөн бизге тунук күзгүсүңөр” аталышында болуп, алгач теманын алкагында тайпанын жетекчиси интерактивдүү сабагын өттү. Аны улай студенттер өз чыгармачылыктарын тартуулашып, мугалимдерге арналган ырларды, көркөм окуу жана бийлерди аткарышты.

Тарбиялык саат педагогикалык кесипти аркалоого баш баккан жаш студенттерге мугалимдин ардактуу ары сыймыктуу экенин көрсөтүп, келечекте эң мыкты кесиптин ээси болооруна ишенимин бекемдөө максатында өткөрүлдү.