ОКУТУУЧУЛАРДЫН КЕЗЕКТЕГИ УСУЛДУК СЕМИНАРЫ ӨТТҮ

23- 27-январь күндѳрү Ош мамлекеттик педагогикалык университетинде KG TESOL англис тилчилер ассоциациясынын окутуучулары тарабынан усулдук семинар өткөрүлдү.

Иш чара «Best practices for teaching English through collaboration and compassion» аталышында болуп, офлайн жана онлайн форматта өттү. Ага ОшМПУнун жана КӨЭАУнун англис тили предметинин окутуучулары катышып, ѳз билимдерин ѳркүндѳтүштү.

Мында окутуучулар англис тилин окутууда маанилүү жана зарыл болгон жаӊы идеялардын жаралышына түрткү берген кѳптѳгѳн усулдук жардамдарды алышты. Ар бир усулдук тема , кызуу талкуулар, ойлор жана практикалык иштер менен бышыкталды.

Жыйынтыгында KG TESOL тренерлерине катышуучулар семинардын бир топ жемиштүү жана пайдалуу болгонун баса белгилешип, уюштуруу тобу тарабынан окутуучулар сертификаттарга ээ болушту.