СТУДЕНТТЕРДИ ТАПКЫЧТЫККА ТАКШАЛТКАН SPELLIHG BEE СЫНАГЫ ОшМПУда

Ош мамлекеттик педагогикалык университетинин Гуманитардык факультетинде “Spelling Bee” аталышында студенттердин сынагы болуп өттү.

Иш чарага англис тили адистигинин студенттери катышып, ага факультеттин окутуучулар жамааты күбө болушту. Аталган сынак эки бөлүктөн туруп, алгач студенттер “Akeelah and the bee” (Акылай жана аарылар) аттуу англис тилиндеги тасманы көрүштү.

Андан соң “Spelling Bee” (тамагалап айтуу) конкурсуна катышууга даярданышып, Kahoot тиркемесинде даярдалган тесттерге жооп беришти. Тесттен эң жогорку упайга ээ болгон 15 катышуучу финалга чыгып, тапкычтыгы, ой жүгүртүүсү мыкты студенттер жеңүүчү аталышты.

Бул конкурс студенттердин англис тилиндеги сөз байлыгын байытууга, сөздөрдү так жана туура жазууга, тил үйрөнүүгө кызыгуусун арттыруу максатында университетте алгачкы ирет уюштурулуп жатат. Уюштуруу тобу жыл сайын бул саамалыкты салттуу түрдө өткөрүүнү максат коюшууда.

Сынак жогорку маанайда уланып, жыйынтыгында жеңүүчүлөргө сертификаттар жана баалуу белектер тапшырылды.

Эскерте кетсек 21-февраль Бүткүл дүйнөлүк эне тил күнүнө карата Гуманитардык факультетинде 1 айлык жарыяланып, анын алкагында аталган конкурс жана ачык тарбиялык сааттар өтүлүп, дубал гезиттер даярдалган.