16 март 2023
648
НООРУЗ МАЙРАМЫНА КАРАТА АЧЫК ТАРБИЯЛЫК СААТТАР ӨТҮЛҮҮДӨ
НООРУЗ МАЙРАМЫНА КАРАТА АЧЫК ТАРБИЯЛЫК СААТТАР ӨТҮЛҮҮДӨ
Ош мамлекеттик педагогикалык университетинин гуманитардык факультетинде “Кыргыз элинин каада-салттары, турак-жайы, кийим-кечеси жана улуттук оюндары” аталышында ачык тарбиялык саат өтүлдү.
Сабакты тарых кафедрасынын окутуучусу Канатбек Казакбаев уюштуруп, ага Т-22 тайпасынын студенттери катышып, өз билимдерин жана чыгармачылыктарын тартуулашты. Ага факультеттин жетекчилиги, окутуучулар жамааты күбө болушту.
Иш чаранын жүрүшүндө тайпанын студенттери кыргыз элинин материалдык жана руханий маданияттарын чагылдырган сахналык көрүнүштөрдү чагылдырышты. Нооруз майрамынын жаралуу тарыхын баяндашып, анын бүгүнкү күндө кандай майрамдалышын көрсөтүү менен дасторкон үстүнө улуттук даамдарды жайышты.
Жыйынтыгында саамалыкка катышкан коноктор аткаруучу тайпага жана жетекчисине ыраазычылыктарды билдиришип, тарбиялык саатка сунуш-пикирлерин билдиришти.
