СТУДЕНТТЕР ДИН БОЮНЧА БИЛИМДЕРИН БАЙЫТУУДА

Бүгүн Ош мамлекеттик педагогикалык университетинин студенттери диний өкүлдөр менен жолугушуп, ислам дини тууралуу маек курушту.

Иш чаранын коноктору Ош мамлекеттик университетинин теология факультетинин окутуучусу Санжар Тажибаев жана теология илимдеринин докторлору Зайнабидин Ажимаматов, Зууриддин Өскөнбай уулу болуп, катышуучулар менен бир канча диний маселелерди талкуулашты.

Тагыраагы дин менен илимдин байланышы, коомдогу диний түшүнүктүн жардылыгы жана жаштардын динге болгон мамилеси тууралуу кенен пикирлер айтылды. Жалпысынан коноктор ислам дини жана андагы илимдин орду боюнча тийиштүү маалыматтарды берүүгө аракеттеништи.

Жолугушуунун жүрүшү суроо-жооп менен уланып, жогорку маанайда жыйынтыкталды. Белгилей кетсек, иш чара университеттин гуманитардык факультетинин тарых кафедрасы тарабынан уюштурулган.