ДОЦЕНТ ЭРНИС АВАЗОВ ОКУУ ЖАЙДА ЛЕКЦИЯ ОКУДУ

Ош мамлекеттик педагогикалык университетинин гуманитардык факультетинде тарых жана социалдык иш адистигинин студенттери үчүн конок-лекция болуп өттү.

Аталган лекциянын коногу Жалал-Абад мамлекеттик университетинин доценти, тарых илимдеринин кандидаты Эрнис Авазов болуп, ага факультеттин окутуучулар жана студенттер жамааты катышты.

Иш чаранын жүрүшүндө лектор тарых илиминин айрым теориялык жана методологиялык маселелери темасынынын алкагында кыргызстандын тарыхынын мисалында лекция окуду. Ошондой эле тарыхый таанымдын түрлөрү, изилдөөнүн усулдары, тарых илиминин принциптери жана философиясы тууралуу кеңири маалымат берип, кызыктуу талкуу жүргүздү. Аны улай лекция суроо-жооп менен коштолду.

Эскерте кетсек, бул иш чара окуу жайдын гуманитардык факультети тарабынан студенттердин тарых боюнча билим дүйнөсү кеңейип, анын методдору тууралуу дагы-да көп маалыматка ээ болуп, мыкты адис болуусуна шарт түзүү максатында уюштурулду.