ОКУУ ЖАЙДА ЖАҢЫ ЖЫЛГА КАРАТА МАЙРАМДЫК КЕЧЕ ӨТТҮ

21-декабрь Ош мамлекеттик педагогикалык университетинин гуманитардык факультетинде жаңы жыл майрамына карата кече болуп өттү.

Иш чара факультеттин англис тили жана аны окутуунун усулу кафедрасы тарабынан уюштурулуп, ага окутуучулар жана 1-2-3-курстун студенттери катышты.

Ага ылайык катышуучулар кечеге жомок каармандарынын образында келишип, түрдүү сахналаштырылган номерлерди аткарышты. Ошондой эле көрүүчүлөргө жаңы жыл тууралуу ыр, бий, күлкү тартууланып, лотерея ойнотулду.

Кеченин соңунда тайпалар ичинен “Эң мыкты номер», «Эң мыкты бий», «Эң мыкты үн» жана «Эң активдүү тайпа» номинациялары тандалып, активдүү катышкан студенттерге грамота жана кызыктыруучу белектер тапшырылды.