АНГЛИС ТИЛИ АДИСТИГИНИН БҮТҮРҮҮЧҮЛӨРҮ КАЙРАДАН ОКУУ ЖАЙДА

Ош мамлекеттик педагогикалык университетинин гуманитардык факультетинде англис тили адистигинин бүтүрүүчүлөрү менен жолугушуу өткөрүлдү.

Жолугушууга окутуучулар, бүтүрүүчүлөр жана студенттер катышты. Иш чараны гуманитардык факультетинин деканы Нурбек Маткаримов ачып берип, ал өз сөзүндө адистиктин ачылганына 25 жыл болгондугун белгилеп, бул аралыктагы жетишкендиктерди жана ийгиликтерди айтып өттү.

Мында студенттер тарабынан концерттик программа тартууланып, бүтүрүүчүлөргө кызыктуу суроолор берилип, алардын студентик күндөрүн чагылдырган слайд көрсөтүлдү. Андан соң бүтүрүүчүлөргө сөз берилип, мында алар жетишкен ийгиликтери, студенттик мезгилдеги эсте калган учурлары менен бөлүшүп, окутуучуларга ыраазычылыктарын билдиришти.

Жыйынтыгында ийгиликтерди жаратып, сыймыкка ээ болгон бүтүрүүчүлөргө “Сыймыктуу бүтүрүүчү” наамы ыйгарылып, адистик боюнча учурдагы актуалдуу суроолорду камтыган онлайн сурамжылоо жүргүзүлдү.

Белгилей кетсек жолугушуу бүтүрүүчүлөр менен тыгыз байланышты күчөтүү, аларга усулдук жактан жардам көрсөтүү максатында англис тили жана аны окутуунун усулу кафедрасы тарабынан уютурулган.