ТАРЫХ АДИСТИГИНИН БҮТҮРҮҮЧҮЛӨРҮ МЕНЕН ЖОЛУГУШУУ УЮШТУРУЛДУ

Ош мамлекеттик педагогикалык университетинин гуманитардык факультетинде тарых адистигинин бүтүрүүчүлөрү менен жолугушуу өткөрүлдү.

Иш чара “Кош кел бүтүрүүчү!” аталышында болуп, ага окутуучулар жана бүтүрүүчүлөр катышты. Жолугушууда бүтүрүүчүлөр менен окутуучулар ортосунда маектешүү жүрүп, мында бүтүрүүчүлөр учурдагы жетишкен ийгиликтери, студенттик күндөрү тууралуу кеп козгоп, өз ыраазычылыктарын билдиришти.

Ошондой эле окутуучулар да адистиктин жетишкендиктери, учурдагы абалы, артыкчылыктары тууралуу маалымат берип, бүтүрүүчүлөр менен түзүлгөн тыгыз байланыш мындан ары да үзгүлтүксүз уланаарын билдиришти. Жыйынтыгында сыймыктуу бүтүрүүчүлөргө факультет тарабынан ыраазычылык баракчалары тапшырылды.

Белгилей кетсек, аталган саамалык 22-апрелден 26-апрелге чейин өтүлүүчү тарых кафедрасы тарабынан уюштурулган жумалыктын алкагында уюштурулган.