СТУДЕНТТЕР ЭКСТРЕМИЗМ ЖАНА ТЕРРОРИЗМ БОЮНЧА МААЛЫМАТ АЛЫШТЫ

Ош мамлекеттик педагогикалык университетинде “Экстремизм, терроризмдин келип чыгуу факторлору жана алдын алуу” аталышында семинар болуп өттү.

Семинарды университеттин гуманитардык факультетинин деканы Нурбек Маткаримов өтүп, ага аталган факультеттин студенттери катышты. Мында катышуучуларга экстремизм, радикализм жана терроризмдин алдын алуу боюнча кеңири маалымат берилди.

Бул менен бирге студенттерди Кыргыз Республикасынын Өкмөтүнүн экстремизмге жана терроризмге каршы аракеттенүү боюнча программасы менен тааныштырып, программанын маани-маңызын, зарылдыгын учурдагы абалга жалпы баа берүү менен айтып берди. Жыйынтыгында катышуучулар тренерге бир канча суроолорду узатышып, экстремизм, терроризм боюнча өз билимдерин толукташты.