МАМЛЕКЕТТИК ТИЛ КҮНҮНӨ КАРАТА АЧЫК ТАРБИЯЛЫК СААТТАР ӨТҮЛҮП БАШТАДЫ

Бүгүн Ош мамлекеттик педагогикалык университетинин гуманитардык факультетинде “Эне тили болбосо, аты аталбайт улуттун!” аталышында ачык тарбиялык саат өткөрүлдү.

Иш чара 23-сентябрь “Кыргыз Республикасынын мамлекеттик тили жөнүндө” Кыргыз Республикасынын Мыйзамынын кабыл алынгандыгынын 35 жылдыгына карата жарыяланган үч айлыктын алкагында уюштурулуп, ага окутуучулар жана студенттер күбө болушту.

Мында тарых адистигиндеги т-24 тайпасынын студенттери тарабынан кыргыз тилин даңазалаган көркөм окуу, манас айтылып, комузда кыргыз күүлөрү жаңырып, ыр-бийлер аткарылды. Ошондой эле мамлекеттик тил жөнүндө мыйзамдын кабыл алынышы боюнча видео тасмалар, сахналык көрүнүштөр көрсөтүлүп, катышуучуларга суроо-жооптор уюштурулду.