ГУМАНИТАРДЫК ФАКУЛЬТЕТИНИН СТУДЕНТТЕРИ КЫРГЫЗ ТИЛИН ДАҢАЗАЛАШТЫ

Бүгүн Ош мамлекеттик педагогикалык университетинин гуманитардык факультетинде Мамлекеттик тилдин 35 жылдыгына карата майрамдык салтанат уюштурулду.

Ага аталган факультеттин деканы Нурбек Маткаримов баштаган окутуучулар жана студенттер күбө болушту. Саамалык эне тилди сактоого, анын кадыр-баркын көтөрүүгө жана өнүгүшүнө салым кошуу максатында өткөрүлүп, мында таланттуу студенттер кыргыз тилинин баалуулугун даңазалаган сахналык көрүнүштөрдү тартуулап, комузда кол ойнотушту. Бул менен бирге көркөм окуу, обондуу ыр, бий, тамашоу, дастан айтуу программалары да аткарылды.

Белгилей кетсек иш чара 23-сентябрь “Кыргыз Республикасынын мамлекеттик тили жөнүндө” Кыргыз Республикасынын Мыйзамынын кабыл алынгандыгынын 35 жылдыгына, Кара-Кыргыз автономиялуу облусунун түзүлгөндүгүнүн 100 жылдыгына карата мамлекеттик тилдин үч айлыгынын алкагында өткөрүлдү.