ОКУУ ЖАЙДА МУГАЛИМДЕРДИН КҮНҮНӨ КАРАТА АЧЫК ТАРБИЯЛЫК СААТТАР ӨТҮЛҮП БАШТАДЫ

Мугалимдердин кесиптик майрамы Ош мамлекеттик педагогикалык университетинде жогорку маанай менен башталды.

Ага ылайык бүгүн гуманитардык факультетинин тарых кафедрасы тарабынан 5-октябрь мугалимдер күнүнө карата “Жароокерим жашыл бакчам мугалим!” аталышында ачык тарбиялык саат өткөрүлдү. Иш чарага университеттин ректору Бекмурза Зулуев, гуманитардык факультетинин деканы Нурбек Маткаримов баштаган окутуучулар жамааты жана студенттер катышты.

Ачык тарбиялык саат т-22 тайпасынын куратору Канатбек Казакбаев тарабынан даярдалып, мында тарых адистигиндеги т-22 жана т-24 тайпасынын студенттери өз чыгармачылыктарын тартуулашып, агартуучуларга арналган ырларды, бийлерди, көркөм окуу жана сахналык көрүнүштөрдү аткарышты. Аталган саамалык болочок педагогдорго мугалимдик кесиптин улуулугун даңазалоо максатында өткөрүлдү.

Белгилей кетсек, иш чара “Кыргыз Республикасынын мамлекеттик тили жөнүндө” Кыргыз Республикасынын Мыйзамынын кабыл алынгандыгынын 35 жылдыгына, Кара-Кыргыз автономиялуу облусунун түзүлгөндүгүнүн 100 жылдыгына карата жарыяланган үч айлыктын алкагында уюштурулду.