ОКУУ ЖАЙДА СОЦИАЛДЫК КЫЗМАТКЕРЛЕРДИН КҮНҮ БЕЛГИЛЕНДИ

Бүгүн Ош мамлекеттик педагогикалык университетинде социалдык кызматкерлердин жана профсоюз уюмунун түзүлгөн күнү белгиленди.

Саамалык гуманитардык факультетинин социалдык иш адистигинин окутуучулары жана студенттери тарабынан уюштурулуп, ага университеттин ректору Бекмурза Зулуев баштаган факультеттин жамааты жана студенттери катышты. Ошондой эле иш чарага Ош шаардык миграция бөлүмү менен Ош шаардык эмгек, социалдык камсыздоо жана миграция башкармалыгынын адистери күбө болушту.

Иш чаранын жүрүшү студенттер тарабынан даярдалган концерттик программа менен коштолуп, социалдык иш адистигинин соңку 5 жылдагы жетишкендиктери тууралуу маалымат берилди. Ага катар кафедранын окутуучулары жана студенттери Ардак грамота менен сыйланышты.