БИЛИМДҮҮ ЖАШТАР ИНТЕЛЛЕКТУАЛДЫК ТАЙМАШТА

Ош мамлекеттик педагогикалык университетинин гуманитардык факультетинде 12-декабрь – Улуттук адабият күнүнө карата 1-курстар арасында интеллектуалдык оюн болуп өттү.

Адабият күнү – сөздүн сыйкырын, калемдин күчүн даңктаган өзгөчө күн. Бул күндүн урматына өткөрүлгөн интеллектуалдык оюн ар бир катышуучуга билимдин тереңдигин, акылдын курчтугун жана руханий баалуулуктарды сезүүгө шарт түздү.

Мында катышуучуларга логикалык, фактылык кругозордук жана предметтик суроолор берилип, болочок педагогдор өз билимдерин сыноо менен кызуу мелдеш курушту.Оюнда командалар болушунча өздөрүнүн активдүүлүгүн жана шамдагайлыгын көрсөтө алышты.

Жыйынтыгында калыстар тобунун чечими менен күчтүү командалар байгелүү орундарга ээ болушту. 1-орунду ээлеген команда ардак грамота жана 2000 сом акчалай сыйлык менен сыйланды. Ал эми калган орундарга жана активдүү катышкан командаларга сертификат жана өзгөчө белектер тапшырылды.