ГУМАНИТАРДЫК ФАКУЛЬТЕТИНДЕ АТА-ЭНЕЛЕР МЕНЕН ЖОЛУГУШУУ УЮШТУРУЛДУ

Бүгүн Ош мамлекеттик педагогикалык университетинин гуманитардык факультетинде англис тили жана аны окутуунун усулу кафедрасынын студенттеринин ата-энелери менен жолугушуу өткөрүлдү.

Ага университеттин окуу иштери боюнча проектору Каныбек Райимбеков, факультеттин деканы Нурбек Маткаримов, аталган кафедранын башчысы Махабат Осмонова баштаган окутуучар жана студенттер ата-энелери менен бирге катышты. Жыйында алгач окуу жай, факультет тууралуу жалпы маалымат берилип, адистиктер, билим берүү системасынын өзгөчөлүктөрү, кафедранын жүргүзүп жаткан ишмердүүлүгү, сурамжылоо жүргүзүү маселелери, студенттердин жетишкендиктери жана алар үчүн түзүлгөн шарттар тууралуу маалыматтар берилди.

Ошондой эле окуу жай тарабынан студенттердин ата-энелерине ыраазычылык каттар, окууда мыкты ийгиликтерди жараткан, коомдук иштерге активдүү катышкан студенттерге Ардак грамоталар тапшырылды. Жолугушуунун жүрүшүндө окуу жайдын негизги миссиясы жана ага ылайык билим берүүнүн дүйнөлүк деңгээлдеги конкуренциялык туруктуулугу жана академиялык мобилдүүлүк боюнча талкуу жүрдү. Ага ылайык ата-энелер өз ой-пикирлерин жана сунуштарын айтышты. Соңунда алар үчүн экскурсия жана концерттик программа уюштурулуп, анкеталар алынды.