ГУМАНИТАРДЫК ФАКУЛЬТЕТИНДЕ "MERRY CHRISTMAS" АТТУУ ЖЫЛ ЖЫЙЫНТЫКТООЧУ САЛТАНАТ УЮШТУРУЛДУ

Ош мамлекеттик педагогикалык университетинин гуманитардык факультетинде жаңы жылга карата англис тили адистигинин 2-курстарынын студенттери тарабынан "Merry Christmas" аттуу иш чара өткөрүлдү.

Ага аталган факультеттин деканы Нурбек Маткаримов баштаган окутуучулар жамааты жана студенттер катышып, таланттуу студенттердин чыгармачылык кечесине жана сыйлоо аземине күбө болушту. Алгач студенттер бул майрамдын кайсы өлкөдөн келип чыгуу тарыхы, азыркы учурдагы кандайча майрамдалып келе жаткандыгына токтолуп өтүштү. Саамалык майрамдык ыр, бий жана оюн-зооктор менен коштолду. Иш чаранын жүрүшүндө окутуучулар, студенттер үчүн атайын конкурстар уюштурулуп, аяз-ата жана аяз кыз тарабынан кызыктыруучу белектер берилди.

Бул менен бирге "Кыргыз Республикасынын мамлекеттик тили жөнүндө" Кыргыз Республикасынын мамлекеттик тил мыйзамынын кабыл алынгандыгынын 35 жылдыгына жана окуу жайда жарыяланган үч айлыктын алкагында өткөрүлгөн иш чараларга активдүү катышкан факультеттин студенттерине Ардак грамоталар жана дипломдор тапшырылты. Ошондой эле С-22 тайпасы “Мыкты тайпа” жана куратору Гүлбурак Айтиева “Мыкты куратор” номинациясы менен сыйланды.