ОшМПУда “АЗЫРКЫ КЫРГЫЗ МАМЛЕКЕТТҮҮЛҮГҮН ТҮПТӨГӨН АТАЛАР” АТАЛЫШЫНДА КОНОК-ЛЕКЦИЯ ӨТТҮ

20-декабрь Ош мамлекеттик педагогикалык университетинин гуманитардык факультетинде студенттерге арналган конок-лекция өткөрүлдү.

Конок-лекцияны окуу жайдын доценти, тарых илимдеринин кандидаты Самарбек Осмонов өтүп, ага окутуучулар жана ага аталган факультеттин студенттери катышты. Ага ылайык лектор “Азыркы Кыргыз мамлекеттүүлүгүн түптөгөн аталар” аталышында лекция окуп, мында катышуучуларга Абдыкерим Сыдыков, Иманалы Айдарбеков, Жусуп Абдрахманов, Абдыкадыр Орозбеков , Ишеналы Арабаев өңдүү мамлекеттик түзүлүштүн түптөөчүлөрү болгон элдин лидерлери тууралуу кеңири маалымат берди. Аны улай иш чара суроо-жооп жана кызуу талкуу менен коштолду.

Белгилей кетсек аталган саамалык 2024-жылы Кара-Кыргыз автономиялуу облусунун түзүлгөндүгүнүн 100 жылдыгына арналган юбилейлик иш чараларды өткөрүүнүн алкагында, азыркы Кыргыз мамлекеттүүлүгүнүн калыптанышы жана өнүгүшүнө көрүнүктүү инсандардын сиңирген эмгегин жана ролун таанытуу максатында, Кыргыз Республикасынын Конституциясынын 71-беренесине ылайык токтомдун жана Кыргыз Республикасынын Президентинин жарлыгынын негизинде уюштурулган.