ОшМПУнун ЖАМААТЫ ЖАҢЫ ИЛИМДИН КАНДИДАТЫ МЕНЕН ТОЛУКТАЛДЫ

Ош мамлекеттик педагогикалык университетинин англис тили жана аны окутуунун усулу кафедрасынын улук окутуучусу Кидиралиева Нургуль Мелисовна кандидаттык диссертациясын ийгиликтүү коргоду.

Окумуштуу өзүнүн илим изилдөө ишин 10.01.01- кыргыз адабияты адистиги боюнча “Чыңгыз Айтматовдун чыгармаларында билингвизм аркылуу улуттук жашоо дүйнөсүнүн чагылдырылышы” деген темада жүргүзүп, филология илимдеринин кандидаты окумуштуулук даражасын изденип алуу үчүн диссертация жазган. Коргоо иши 2024-жылдын 24-декабрь күнү Бишкек шаарында Жусуп Баласагын атындагы Кыргыз улуттук университетинде болуп өттү.

Урматтуу Нургуль Мелисовна! Сизди илим жаатында жараткан ийгилигиңиз менен университеттин жалпы эмгек жамааты кызуу куттуктайт. Мындан ары да билим берүү тармагында ак кызмат өтөп, жаштарга талыкпай билим берүү менен окуу жайдын өнүгүүсүнө салым кошо беришиңизге тилектешбиз.