ОшМПУ Самарканд мамлекеттик чет тилдер институту менен кызматташат

Ош мамлекеттик педагогикалык университети Өзбекстандын Самарканд мамлекеттик чет тилдер институту менен кызматташуу келишимин түздү.

Эки тараптуу кызматташуу меморандумуна университеттин гуманитардык факультетинин деканы Нурбек Маткаримов жана Самарканд мамлекеттик чет тилдер институтунун ректору Баходир Холиков кол коюшту.

Аталган келишим студенттердин мобилдүүлүк программасы жана окутуучулардын билимдерин жогорулатуу, тажрыйба алмашуу, илимий долбоорлорлор туурасында жаңы мүмкүнчүлүктөргө жол ачуу максатын көздөйт. Жолугушуунун алкагында тараптар ортосунда билим берүү жаатында ЖОЖдор аралык кызматташуу алакасын чыңдоо, байланышты бекемдөө жана жаңы программаларды ишке ашыруу боюнча сүйлөшүүлөр жүрдү.

“Биз иш сапары менен Өзбекстандагы аталган окуу жайга барып, ректор менен жолугуштук. Анын натыйжасында жаңы келишимдерди түздүк. Учурда бул окуу жайда биздин 4 студент мобилдүүлүк менен келип окуп жатат. Аларды жатакана менен камсыздашты. Ошондой эле англис тили адистиги боюнча дагы бизден аларга, алардан бизге окутуучуларды жөнөтүүгө мүмкүнчүлүктөрдү түздүк” – деп билдирди гуманитардык факультетинин деканы Нурбек Маткаримов.