ОшМПУда студенттер үчүн Talking Club өткөрүлдү

Ош мамлекеттик педагогикалык университетинин гуманитардык факультетинде англис тили адистигинде билим алган студенттер үчүн Talking Club уюштурулду.

Аталган саамалык 2 жумага созулуп, иш чара "Кадам Ош" лидерлик клубунун ыктыярчылары менен биргеликте өткөрүлдү. Бул жолу студенттер АКШдан келген тил алып жүрүүчүлөр менен англис тилинде эркин баарлашуу мүмкүнчүлүгүнө ээ болушуп, кызыктуу сабактарга катышуу менен кызуу талкуу жүргүзүштү.

Иш чара маданияттар аралык коммуникациялык компетенцияны өнүктүрүү, студенттердин социалдык-эмоционалдык интеллекттин жогорулатуу, ошондой эле тил үйрөнүүгө болгон шыктануусун арттыруу максатын көздөйт.

Маалымат иретинде, Talking Club — бул англис тилин практика жүзүндө өркүндөтүү, жаңы тажрыйба топтоо жана жаңы досторду табуу үчүн уникалдуу мүмкүнчүлүк.