ОшМПУнун студенти китеп окуу сынагында баш байгени багындырды

Ош мамлекеттик педагогикалык университетинин студенти “Билимдүүгө дүйнө жарык” аттуу китеп окуу сынагында 1-орунду ээледи.

Иш-чара 28-февраль күнү Б.Сыдыков атындагы Кыргыз-Өзбек Эл аралык университетинде уюштурулуп, онлайн жана офлайн форматында өттү. Ага Ош, Баткен, Жалал-Абад облустарынан ата-энелер, студенттер жана мектеп окуучулары катышты. Катарда окуу жайдын гуманитардык факультетинин студенти Айгерим Султанова студенттер арасында баш байгени жеңип алып, ноутбук менен сыйланды.

Сынак ата-энелер үчүн – "Баланы жазасыз тарбияла", окуучулар үчүн – "Чыңгызхандын ак булуту", ал эми студенттер үчүн – "Делбирим" повестинин негизинде өткөрүлдү. Саамалыктын жыйынтыктоочу бөлүгүнө КӨЭАУнун ректору, профессор Абдилбает Мамасыдыков, Ош шаардык кеңешинин депутаттары жана атайын чакырылган коноктор катышып, жеңүүчүлөргө баалуу белектерди тапшырышты.