ОшМПУнун тарых адистигинин студенттерине конок-лекция өткөрүлдү

Ош мамлекеттик педагогикалык университетинин гуманирдык факультетинин тарых адистигинде билим алып жаткан студенттер үчүн кезектеги конок-лекция уюштурулду.

Конокто ОшМУнун доценти, тарых илимдеринин кандидаты Таалайбек Жаркынбаев болуп, ал студенттерге “Басмачылар кыймылында панислам жана пантуркчулдук факторлор” темасынын негизинде сабак өттү. Мында катышуучулар пантуркизм жана панисламизм боюнча кеңири түшүнүк алуу менен басмачылык кыймылдын оң жана терс жактары тууралуу маалыматтарга ээ болушту.

Бул менен бирге лектор Советтик тарыхнаамада басмачылык кыймылды баскынчы катары баалаган болсо, Кыргызстан эгемендүүлүктү алгандан кийинки тарыхчылардын либерал көз караштары боюнча ой бөлүштү. Жыйынтыгында студенттер ортосунда талкуу жүргүзүлүп, өздөрү кызыккан суроолоруна кенен жооп алышты.