ТАРЫХЧЫЛАР ТЕГЕРЕК СТОЛДО ТАЛКУУ ЖҮРГҮЗДҮ

Бүгүн Ош мамлекеттик педагогикалык университетинин гуманитардык факультетинде тегерек стол өткөрүлдү.

Иш-чара аталган факультеттин тарых кафедрасы тарабынан уюштурулуп, “Элдик революциялардын кыргыз тарыхындагы орду” (2005-жыл 24-март жана 2010-жыл 7-апрель) аталышында болду. Ага т.и.д., профессор Балтагул Нурунбетов баштаган тарых илиминин кандидат, доценттери Сыдык Смадияров, Таалайбек Жаркынбаев, Сатимбай Осмонов, Гульжамал Бекмурзаевалар жана тарых кафедрасынын окутуучулары, студенттери катышты.

Алгач катышуучуларга "Жоогазын ыңкылабы" деген аталыш менен тарыхка кирген окуяны камтыган видео тасма көрсөтүлдү. Аны улай 2005-жылдын 24-мартындагы элдик революция кыргыз элинин тарыхый өнүгүүсүнө жол ачкан негизги окуя жана 2010-жылдын 7-апрелиндеги тарыхый окуяга карата “Революция” түшүнүгүнүн алкагында кызуу талкуу жүргүзүштү. Жыйынтыгында илимпоз окумуштуулардын пикирлери талкууланып, тегерек столдун резолюциясы кабыл алынды.

Белгилей кетсек саамалык Кыргыз Республикасынын Президентинин Администрациясынын 2025-жылдын 3-мартындагы №24-2213 сандуу катында көрсөтүлгөндөй 24-март элдик революция күнүнүн 20 жылдыгына жана 7-апрель Элдик апрель революциясынын 15 жылдыгына карата уюштурулду.