ОшМПУ: Кылымга аты дал келген, кызыктуу оюн сармерден

Бүгүн Ош мамлекеттик педагогикалык университетинин гуманитардык факультетинде кыз-жигит сармерден оюну өткөрүлдү.

Иш чарага университеттин ректору Бекмурза Зулуев баштаган профессордук-окутуучулар жамааты жана студенттер күбө болушту. Мында сармердендин салтына ылайык саламдашуу, обондуу ырлар, бийлер, акыйнек айтышуулар, жаңылмач, манас жана макал айтышуу менен факультеттен суурулуп чыккан таланттуулар өздөрүнүн дараметин сынашты.

Ар бир аткарылып жаткан номер көрүүчүлөр тарабынан жогору бааланып, калыстар тобунун сынына түштү. Кыз-жигиттердин өзгөчө даярдыгы, мыкты таланттардын аткаруусу сармерденди өз максатына жеткире алды. Жыйынтыгында калыстар тобунун чечими менен атааңдаш тараптар тең чыгып, достук жеңиши менен аяктады.

Белгилей кетсек аталган саамалык окуу жайдын 100 жылдыгына карата жана Кыргыз Республикасынын Президентинин 2024-жылдын 18-декабрындагы “Улуттук дем-дүйнөлүк бийиктик” уңгужолу жөнүндө жарлыгынын алкагында англис тили жана аны окутуунун усулу кафедрасы тарабынан уюштурулду.