СТУДЕНТТЕРДИН БИЛИМИН СЫНАГАН "MY FIRST STEP" СЫНАГЫ

Ош мамлекеттик педогогикалык университеттинде англис тили адистигинде окуган студенттер арасында "My first step" аталышында сынак болуп өттү.

Аталаган саамалык университеттин гуманитардык факультети тарабынан уюштурулуп ага 1-курстун студенттери катышуу менен өз чыгармачылыктарын тартуулашты. Иш-чаранын жүрүшүндө командалар саламдашуу, бийлөө , ырдоо сахналык көрүнүш аткаруу, жаңылмач айтышуу сыяктуу тапшырмаларды англис тилинде аткарышты.

Натыйжада ар бир тайпанын сынакка даярдыгы, сахнада тартуулаган таланттарынын жыйынтыгы менен жеңүүчүлөр аныкталып, уюштуруу тобу тарабынан диплом жана белектер тапшырылды.

Иш-чара англис тилинин учурдагы жана келечектеги маанилүүлүгүн даңазалоо, студенттердин тилге болгон кызыгуусун арттыруу, катышуучулардын билим чөйрөсүн кеңейтүү менен өз көндүмдөрүн бышыктоо максатын көздөйт. Эскерте кетсек аталган саамалык англис тили адистигинде бекитилген пландын негизинде жумалык жарыяланып, жыл сайын өткөрүлүп келет.