ОшМПУ делегациясы Өзбекстандагы Фергана мамлекеттик университетинде

Ош мамлекеттик педагогикалык университетинен түзүлгөн делегация 3-4-апрель күндөрү Өзбекстан Республикасынын Фергана мамлекеттик университетине иш сапары менен барышты.

Мында окуу жайдын гуманитардык факультетинин деканы Нурбек Маткаримов баштаган окутуучулар Фергана мамлекеттик университети менен жакындан таанышып чыгышты. Иш сапардын алкагында делегация “Амир Темур дүйнөлүк тарыхта” аттуу илимий-практикалык конференцияга катышып, пленардык жыйынында баяндама жасашты. Конференцияга ЖОЖдордун илим чөйрөсүнүн өкүлдөрү, магистрлер, аспиранттар жана студенттер күбө болуштую Соңунда иш-чаранын резолюциясы кабыл алынып, мыкты илимий баяндама жасагандарга сертификаттар ыйгарылды.

Мындан сырткары гуманитардык факультетинин окутуучулары аталган окуу жайдын тиешелүү адистиктерине мобилдүүлүк программасынын алкагында даярдалган конок – лекцияларды өтүп беришти. Ошондой эле англис тили жана адабияты факультетинин деканы Наргиза Тоирова жетектеген жаамат менен тараптар ортосунда билим берүү жаатындагы ЖОЖдор аралык кызматташуу, байланышты бекемдөө жана студентердин практика алмашуусун эки тараптуу ишке ашыруу боюнча сүйлөшүүлөр жүрдү. Белгилей кетсек учурда аталган окуу жайда гуманитардык факультетинин студенттери академиялык мобилдүүлүк программасынын алкагында билим алушууда.