АДАБИЯТ АЛПТАРЫ БҮГҮН САХНАДА ЖАНДАНДЫ...

Бүгүн Ош мамлекеттик педагогикалык университетинде 12-декабрь Адабият күнүнө арналган жумалыктын жыйынтыктоо кечеси болуп өттү.

Иш чара Кыргыз-Россия факультети тарабынан уюштурулуп, мында факультеттин таланттуу студенттери тарабынан адабий-музыкалык кече тартууланды.

Сахнада Айтматовдун каармандары сүйлөп, чыгармалары жандуу аткарылды. Кыргыз адабиятынын классик акыны Алыкул Осмоновдун ырлары көркөм окулуп, обондуу чыгармалар ырдалды. Аны улай кахут оюну ойнотулуп, мында көрүүчүлөр залкар инсандардын өмүр таржымалын, чыгармаларын камтыган тесттик суроолорго жооп беришип, жеңүүчүлөр адабий китептер менен сыйланышты.

Соңунда жумалыктын алкагында уюштурулган сынактарда байгелүү орундарды ээлеген студенттерге уюштуруу тобу тарабынан диплом жана китептер тапшырылды.

Эскерте кетсек 5-12-декабрь күндөрү Кыргыз-Россия факультети жана Жаштар комитети тарабынан Адабият күнүнө арналган жумалык жарыяланып, анын алкагында тасма көрсөтүлүп, дил баян, ыр жазуу сынактары уюштурулуп, тегерек стол, акыл ордо интеллектуалдык оюндары өткөрүлгөн.