ДОЦЕНТ ТАШБОЛОТ ЖОРОЕВ ОшМПУда ЛЕКЦИЯ ОКУДУ

Бүгүн Ош мамлекеттик педагогикалык университетинде филологиялык билим берүү багытында “Жумшак көндүмдөрдү өнүктүрүү сабактары” аталышында конок – лекция уюштурулду.

Иш чаранын коногу Ош мамлекеттик университетинин квалификацияны жогорулатуу борборунун директору п.и.к., доцент Ташболот Жороев болуп, ал Кыргыз – Россия факультетинин бүтүрүүчү курстарынын студенттерине лекция окуду.

Мында лектор ар түрдүү тармактарда ийгиликтүү болууга мүмкүнчүлүк берген каражаттар жана технологиялар, жумшак көндүмдөрдүн түрлөрү, коммуникативдүүлүк, аналитикалык ой жүгүртүү, сабактарды уюштуруу жана өткөрүүдө колдонулуучу көндүмдөр жөнүндө кеңири маалымат берди.

Мындан сырткары лекция суроо-жооп менен коштолду. Катышуучуларды бир топ кызыктырган суроолорго лектор жооп берип, лекцияны бышыктады. Белгилей кетсек, иш чара Кыргыз – Россия факультетинин 20 жылдыгына карата өткөрүлүүчү бир айлыктын алкагында уюштурулду.