ОшМПУда ЭЛ АРАЛЫК ИЛИМИЙ-ПРАКТИКАЛЫК КОНФЕРЕНЦИЯ ӨТТҮ

Ош мамлекеттик педагогикалык университетинде “Кыргызстан менен Россиянын билим берүү тармагындагы кызматташтыгынын заманбап тенденциялары” аталышында эл аралык илимий-практикалык конференция болуп өттү.

Аталган конференция Кыргыз-Россия факультетинин 20 жылдыгына карата уюштурулган айлыктын алкагында өткөрүлүп, ага Россия, Казакстан жана Өзбекстандагы ЖОЖдордун өкүлдөрү, окутуучулар жана магистранттар катышты.

Ага ылайык алгач пленардык жыйын өткөрүлүп, мында п.и.к, доцент Инабат Даминова “Этномаданий баалуулуктар - элдик тарбиянын булагы”, Курск мамлекеттик медициналык университетинин доценти Олеся Раздорская “Чет тилин окутууда рефлексиялык-чыгармачылык мамиле жана аны колдонуунун кээ бир аспектилери”, КФУнун Елабуга институтунун доценти Эльмира Ибрагимова “Татар тилинин фразеологиялык бирдиктери” деген темада онлайн баяндамаларын жасашты.

Ал эми секциялык иштер 13:00дөн 15:00гө чейин уланып, мыкты баяндамачыларга сертификаттар тапшырылды.