ЗАЛКАР ЖАЗУУЧУ ЧЫҢГЫЗ АЙТМАТОВ ДАҢКТАЛАТ

Ош мамлекеттик педагогикалык университетинде “Эгер адам өз тилин ыйык тутса, башка тилди билүүдөн эч качан баш тартпайт” деген аталышта Чыңгыз Айтматовго арналган адабий – музыкалык кече өттү.

Иш чара студенттердин жазуучунун чыгармачылыгы жөнүндөгү билимдерин бекемдөө, кош тилдүүлүктү көрсөтүү, жазуучунун чыгармаларын тереңдетип үйрөтүү максатында уюштурулуп, ага ректор Бекмурза Зулуев баштаган профессордук-окутуучулук жамаат, окутуучулар жана студенттер катышты.

Адабий кече алгач студенттердин турналар бийи менен башталып, андан соң Елабуга мамлекеттик педагогикалык институтунун окутуучуларынын жана студенттеринин онлайн куттуктоосу айтылды. Ошондой эле Айтматов жөнүндө эл билбеген кызыктуу маалыматтарды камтыган видео тасма коюлуп, студенттер Ильяздын ырын ырдап, жазуучунун чыгармаларынан көркөм окушуп, үзүндүлөрдү аткарышты.

Белгилей кетсек, аталган иш чара Кыргыз – Россия факультетинин 20 жылдыгына карата уюштурулган бир айлыктын алкагында жана Чыңгыз Айтматовдун 95 жылдыгына карата орус тили жана адабияты кафедрасы тарабынан уюштурулду.