КЫРГЫЗ-РОССИЯ ФАКУЛЬТЕТИНИН 20 ЖЫЛДЫК МААРАКЕСИ БЕЛГИЛЕНДИ

Ош мамлекеттик педагогикалык университетинде Кыргыз-Россия факультетинин 20 жылдыгына арналган бир айлыктын жыйынтыктоо кечеси болуп өттү.

Саамалыктын расмий бөлүгү жыйындар залында өтүп, ага окуу жайдын профессордук – окутуучулар жамааты, аталган факультетте мурда иштеп кеткен декандар, кафедра башчылар, бүтүрүүчүлөр, окутуучулар жана студенттер катышты.

Ага ылайык алгач факультеттин тарыхын, ишмердүүлүгүн чагылдырган видео тасма коюлуп, бүтүрүүчүлөрдүн куттуктоо сөздөрү айтылды. Бул менен бирге факультеттин 20 жылдык юбилейине карата уюштурулган айлыктын алкагындагы иш чараларда өз активдүүлүгүн көрсөткөн конокторго, окутуучуларга жана студенттерге ардак грамоталар тапшырылды.

Андан соң кеченин маданий бөлүгү “Кыз – жигит сармерден” оюну менен уланып, чыгармачыл студенттер кызуу таймаш куруу менен өз таланттарын тартуулашты. Сармердендин салтына ылайык саламдашуу, обондуу ырлар, бийлер, акыйнек айтышуулар, жаңылмач жана макал айтышуу менен эки тарап өздөрүнүн дараметин көрсөтүшүп, көрүүчүлөргө жагымдуу мааанай тартуулашты.

Белгилей кетсек, Кыргыз – Россия факультети 2003-жылы Россия мамлекети менен биргеликте окуу жайлар ортосунда кызматташуу келишиминин негизинде түзүлгөн.