АЙЫМДАР МАЙРАМЫН УТУРЛАЙ МАЙРАМДЫК КЕЧЕЛЕР УЛАНУУДА

Бүгүн Ош мамлекеттик педагогикалык университетинин Кыргыз – Россия факультетинде 8 – Март – Аялдардын Эл аралык майрамына карата майрамдык кече уюштурулду.

Саамалык “Аялзат – асылзаада сөз жетпеген, бийиктин бийигисиң көз жетпеген” аталышында болуп, ага аталган факультеттин деканы Шамир Мондошов баштаган окутуучулар жамааты жана студенттер катышты.

Айымдарды даңазалоо максатында уюштурулган бул иш чарада 1 – курстун студенттери тарабынан концерттик программа коюлуп, мында катышуучулар аялзаты жөнүндө сахналык көрүнүштөрдү, бийлерди, кызыктуу оюндарды уюштуруп, көркөм окуу жана обондуу ырларды аткарышып, көрүүчүлөргө жагымдуу маанай жаратуу менен өз чыгармачылыктарын тартуулашты.