ОшМПУда ЭНЕ ТИЛ КҮНҮНӨ КАРАТА АДАБИЙ КЕЧЕ УЮШТУРУЛДУ

Бүгүн Ош мамлекеттик педагогикалык университетинин Кыргыз-Россия факультетинде 21-февраль-Эл аралык эне тил күнүн утурлай адабий-музыкалык кече өткөрүлдү.

Иш чара университеттин 100 жылдыгына карата орус тили жана адабияты кафедрасы тарабынан уюштурулуп, ага атайын чакырылган коноктор, окутуучулар жана студенттер катышты. Кеченин коноктору КР жазуучулар союзунун мүчөсү, акын жана жазуучу Зинакан Пасаңова, жаш акындар Мелис Маматжанов жана Бектур Исамидин уулу болду. Мында акындар өздөрүнүн автордук ырларынан көркөм окуп берип, катышуучуларды кызыктырган суроолорго жооп беришти.

Бул менен бирге кеченин жүрүшүндө аталган факультеттин таланттуу студенттери тарабынан ар улуттун маданиятын чагылдырган чакан концерттик программа тартууланып, адабий кече жагымдуу маанайда жылуу пикирлер менен соңуна чыкты.